அனைத்து மக்கள் ஒன்றியத்தின் தலைவரது வீட்டில் பொலிஸ் மற்றும் விசேட அதிரடிப்படையினால் மேற்கொள்ளப்பட்ட திடீர் சோதனைக்குக் கண்டனம் தெரிவித்தல்

அனைத்து மக்கள் ஒன்றியத்தின் தலைவரது வீட்டில் பொலிஸ் மற்றும் விசேட அதிரடிப்படையினால் மேற்கொள்ளப்பட்ட திடீர் சோதனைக்குக் கண்டனம் தெரிவித்தல்

காணி உரிமைக்கான மக்கள் கூட்டணியினராகிய (Pயுசுடு) நாம், அனைத்து மக்கள் ஒன்றியத்தின் (யுடட Pநழிடந'ள ஊழடடநஉவiஎந) தலைவரான வல்லிபுரம் பாஸ்கரனின் வதிவிடத்தில் செவ்வாய்க்கிழமை ஜ9ஸ, பொலிஸ் மற்றும் சிறப்பு அதிரடிப் படையினர் மேற்கொண்ட திடீர் சோதனையை வன்மையாகக் கண்டிக்கின்றோம். இந்தக் கண்டிக்கத்தக்க செயல், நீதி மற்றும் ஜனநாயக விழுமியங்களின் கோட்பாடுகளை மீறுவது மாத்திரமன்றி, அதிருப்திக் குரல்களை நசுக்குவதற்கு அரசு தனது அதிகாரத்தைப் பயன்படுத்துதல் குறித்த தீவிர அக்கறைகளையும் எழுப்புகின்றது.

கிளிநொச்சி மாவட்டம், பூநகரியின் பொன்னாவெளி சுண்ணக்கல் அகழ்வுக் கருத்திட்டத்திற்கு எதிராகத் தற்போது முன்னெடுக்கப்பட்டு வரும் போராட்டங்களுடன் ஒருங்கே இடம்பெற்ற இந்தத் திடீர் சோதனை மேற்கொள்ளப்பட்ட காலமும் அதன் தன்மையும் மிகவும் சந்தேகத்திற்கிடமானதாக உள்ளது. இந்த விசாரணையில் மோப்ப நாய்களைப் பயன்படுத்தியமை இந்த சம்பவத்தைச் சூழ்ந்துள்ள உளைச்சலை மேலும் அதிகரிக்கின்றது. திடீர் சோதனைக்கான காரணங்கள் பற்றிய வெளிப்படைத்தன்மை இல்லாமை ஊகங்களை மாத்திரமே தூண்டுகின்றது என்பதுடன் அதிகாரிகள் மீதான பொதுமக்களின் நம்பிக்கையையும் சிதைக்கின்றது.

மக்களின் உரிமைகளையும் நலன்களையும் பாதுகாப்பதற்கு நாடும் ஓர் இயக்கத்துடன் தொடர்புபட்டுள்ள தலைவர் ஒருவருக்கு எதிராக இத்தகைய நடவடிக்கைகள் மேற்கொள்ளப்படுதல் குறிப்பாக அச்சமூட்டுவதாக உள்ளது. பொன்னாவெளிக்கு வெளியே சுண்ணக்கல் அகழ்விற்கு எதிரான போராட்டக்காரர்களை அச்சுறுத்தி, அமைதிப்படுத்தும் ஒரு முயற்சியாக இந்த திடீர் சோதனை மேற்கொள்ளப்பட்டிருக்க முடியும் என வல்லிபுரம் பாஸ்கரன் உறுதியாகக் கூறியுள்ளமை அதிகாரிகளின் உள்நோக்கத்தின் மீதான ஒரு பாரதூரமான குற்றப்பகர்வாகும்.

காணி உரிமைக்கான மக்கள் கூட்டணி ஜீயுசுடுஸ, அனைத்து மக்கள் ஒன்றியத்திற்கு ஆதரவாகத் துணை நிற்கின்றது என்பதுடன் தங்களின் உரிமைகளுக்காக வாதாடுவோரின் சட்டபூர்வமான குரல்களை நசுக்கும் எந்தவொரு முயற்சியையும் கண்டிக்கின்றது. அமைதியான முறையில் போராட்டம் நடத்தும் உரிமையும் கருத்து வெளியிடுதற் சுதந்திரமும் ஒரு ஜனநாயக சமுதாயத்தின் அடிப்படைக் கோட்பாடுகளாகும். இந்தக் கோட்பாடுகளைக் கீழறுக்கும் எந்தவொரு நடவடிக்கையும் எமது தேசத்தின் ஜனநாயகக் கட்டமைப்பிற்கான நேரடியான பகிரங்க அவமதிப்பொன்றாகும்.

மேலும், டோக்கியோ சீமெந்து நிறுவனத்தின் உத்தேச முயற்சியான பொன்னாவெளி சுண்ணக்கல் அகழ்வுக் கருத்திட்டம் குறித்து காணி உரிமைக்கான மக்கள் கூட்டணி தனது ஆழ்ந்த அக்கறையை வெளிப்படுத்துகின்றது. சுற்றாடல், விவசாயம், மீன்பிடி மற்றும் சுற்றியுள்ள கிராமங்களில் உள்ள மக்களின் ஒட்டுமொத்த நல்வாழ்வில் இந்தக் கருத்திட்டத்தின் சாத்தியமான பாதகமான விளைவுகள் முழுமையாக ஆராயப்பட வேண்டும்.

உள்நாட்டு யுத்தத்தின் அழிவுகளால் பாதிக்கப்பட்ட பொன்னாவெளிக் கிராமம், தமிழ் மக்களின் கலாசார மற்றும் வரலாற்று மரபுரிமையில் குறிப்பிடத்தக்கதோர் இடத்தைப் பெற்றுள்ளது. பிரதான நெல் வயல்கள், மேய்ச்சல் தரைகள் மற்றும் வீடமைப்புப் பகுதிகளை ஆக்கிரமித்து, 3000 ஏக்கர்கள் நிலப்பரப்பில் நிர்மாணிக்கப்படுவதற்கு உத்தேசிக்கப்பட்டுள்ள பாரிய சீமெந்துத் தொழிற்சாலை, ஏற்கனவே பாரிய க~;டங்களை அனுபவித்துள்ள கிராம மக்களின் வாழ்வாதாரத்திற்கு ஒரு நேரடி அச்சுறுத்தலாக அமைந்துள்ளது.