இந்நாட்டின் கனிம மணல் அகழ்வு> சுற்றாடல் நெருக்கடி மற்றும் யதார்த்தம்

இலங்கையின் கடலோரப் பகுதிகளைச் சார்ந்த கனிம வளங்கள் தொடர்பாக நாட்டில் புதியதொரு கலந்துரையாடல் உருவாகியுள்ளது. இல்மனைட்> ரூட்டைல்> சிர்கோன்> கர்னட் மற்றும் மொனசைட் போன்ற கனிமங்கள் அடங்கிய மணல்> கைத்தொழில் மற்றும் ஏற்றுமதிக்கான பொருளாதாரப் பெறுமதிமிக்க வளமாக இனங்காணப்பட்டுள்ளது. இருப்பினும்> இவ்வளங்களைப் பெற்றுக் கொள்ளும் போது சூழல்> நிலத்தடி நீர்> மீன்பிடித் தொழில்> சுற்றுலாத் துறை மற்றும் கடலோர மக்களின் வாழ்க்கையில் அது ஏற்படுத்தும் பாதிப்பே பிரதான பிரச்சினையாக உருவெடுத்துள்ளது.

கடந்த ஆகஸ்ட் 21 மற்றும் 22 ஆம் திகதிகளில் நாட்டின் வடக்கு> கிழக்கு மற்றும் தென் மாகாணங்களின் கடலோரப் பகுதிகளில் வாழும் சமூக மற்றும் சுற்றாடல் செயற்பாட்டாளர்களுக்காக நடாத்தப்பட்ட வேலைத்திட்டமொன்றில் வளவாளராகக் கலந்துகொண்ட சுற்றாடல் ஆர்வலர் சஜீவ சாமிகர அவர்கள்> கனிம மணல் அகழ்வின் பொருளாதார நன்மைகள் மட்டுமன்றி> அதில் மறைந்துள்ள சுற்றாடல் மற்றும் சமூகப் பிரச்சினைகள் தொடர்பிலும் கவனம் செலுத்தப்பட வேண்டும் என்பதைச் சுட்டிக்காட்டினார். அங்கு அவரால் முன்வைக்கப்பட்ட தகவல்கள் மற்றும் கள அவதானிப்புகளின் அடிப்படையில் இக்கட்டுரை எழுதப்பட்டுள்ளது.

1. கனிம மணல் என்றால் என்ன? அவை எவ்வாறு உருவாகின்றன?

இலங்கையின் வடமேற்கு> வடக்கு> கிழக்கு மற்றும் தெற்கு கடலோரப் பகுதிகளில் காணப்படும் கனிம மணல் என்பது> மில்லியன் கணக்கான ஆண்டுகளாக இடம்பெற்ற இயற்கையான புவியியல் செயன்முறையின் பிரதிபலனாகும். அதாவது> மத்திய மலைநாட்டிலும் நாட்டின் ஏனைய உயர் நிலங்களிலும் உள்ள பாறைகள் மழை> வெள்ளப்பெருக்கு மற்றும் ஏனைய காலநிலை தாக்கங்கள் காரணமாக படிப்படியாக உடைந்து> அப்பாறைகளில் அடங்கியுள்ள கனிமப் பகுதிகள் ஓடைகள் மற்றும் ஆறுகள் ஊடாகக் கீழ்நோக்கி நகர்ந்து இறுதியில் கடலை அடைகின்றன.

கடலை அடைந்த பின்னர் அம்மணல் மற்றும் கனிமப் பகுதிகள்> கடல் அலைகள்> நீரோட்டங்கள் மற்றும் கடலோர வண்டல் இயக்கங்கள் மூலம் மீண்டும் கரையை நோக்கி கொண்டு வரப்படுகின்றன. குறிப்பாக இலங்கையைச் சுற்றியுள்ள ஆழமற்ற கண்டத்திட்டு காரணமாக> இவை கரையை சார்ந்த சமுத்திர பிராந்தியத்திலேயே படிந்து காணப்பட்டு> பின்னர் கரையை நோக்கி அடித்து வரப்படுகின்றன. சாதாரண குவாட்ஸ் மணலுடன் ஒப்பிடும்போது இல்மனைட்> ரூட்டைல்> சிர்கோன்> கர்னட் மற்றும் மொனசைட் போன்ற கனிமங்களின் அடர்த்தி அதிகம் என்பதால்> லேசான மணல் பகுதிகள் காற்று மற்றும் அலைகளால் அகற்றப்படும்போது> அதிக எடையுள்ள கனிமப் பகுதிகளும் மணலும் கடற்கரையில் சிறப்பு அடுக்குகளாகப் படிகின்றன. இச்செயன்முறை கனிமங்களைக் கடற்கரையில் படிய வைப்பது மட்டுமன்றி> அந்த கனமான கனிம அடுக்குகள் கடற்கரையின் ஸ்திரத்தன்மைக்கும் பங்களிக்கின்றன.